бөлүм Сааффат - الصافات

141 فَسَاهَمَ فَكَانَ مِنَ الْمُدْحَضِينَ

Чүчү кулак кармаганда ал жеңилүүгө учурады.

a. Сөздүн маанисин билүү үчүн: Кыргызча түшүндүрмө сөздүктөрдү карасаңыз болот b. Кеме жүктүн оорлугунан чөгө баштаганда, кеменин башчысы: “Арабызда кимдир бирөөнүн күнөөсү абдан оор экен. Ошону таап, деңизге ыргытсак, калгандарыбыз аман калабыз”, – деп, чүчү кулак кармаганда, ал Йунуска туура келип, аны кемеден деңизге ыргытып жиберет да, ал жерден аны кит жутуп алып, 40 күндөн кийин Аллахтын буйругу менен аны, өз элине жакын жерге кайра алып келип, кургак жерге кусуп таштайт.

142 فَالْتَقَمَهُ الْحُوتُ وَهُوَ مُلِيمٌ

Ошондо балык аны айыпталган абалда жутуп алды. Ал анткени (Аллах тарабынан) айыпталган болчу.

a. Өз элинде Жалгыз Аллахка сыйынууга чакырууну (дааватты) Аллахтын чечимин күтпөстөн токтоткону үчүн

143 فَلَوْلَا أَنَّهُ كَانَ مِنَ الْمُسَبِّحِينَ

Эгер ал Аллахты улуктагандардан болбогондо (жок кылынмак).

a. Киттин ичинде жатып да Йунус тообо келтирип, тынбастан Аллахты улуктай берген

144 لَلَبِثَ فِي بَطْنِهِ إِلَى يَوْمِ يُبْعَثُونَ

Анда кайра тириле турган (Кыйамат) күнгө чейин балыктын ичинде калмак.

145 فَنَبَذْنَاهُ بِالْعَرَاءِ وَهُوَ سَقِيمٌ

Ошондо аны (балыктын ичинен) жээкке чыгарып таштадык. Ал ооруга чалдыккан эле.

146 وَأَنْبَتْنَا عَلَيْهِ شَجَرَةً مِنْ يَقْطِينٍ

Ал үчүн ашкабактан жалбырактуу бир дарак өстүрдүк.

147 وَأَرْسَلْنَاهُ إِلَى مِائَةِ أَلْفٍ أَوْ يَزِيدُونَ

Аны Биз жүз миңдеген, же андан да көбүрөөк (сандуу) элге жиберген болчубуз.

a. пайгамбар кылып

148 فَآمَنُوا فَمَتَّعْنَاهُمْ إِلَى حِينٍ

Ошондо алар ыйман келтиришип, белгилүү бир мөөнөткө чейин (бул дүйнө жыргалчылыктарынан) пайдаландырдык.

a. Өмүрүн узартып койдук

149 فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ

Эми алардан сура: “Кыздар Эгеңдики, ал эми уулдар алардыкы бекен?”

a. Меккелик мушриктерден b. Дүйнөдөгү эң улуу дин Ислам келгенге чейин бүткүл адамзат караңгылыкта жашаган жана Мекке мушриктери да периштелерди: “Аллахтын кыздары”, – деп түшүнүп, ал эми өздөрүнө Аллах тарабынан берилген кыздарды бала катары да санашкан эмес.

150 أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ

Же периштелерди ургаачы кылып жаратканыбызга алар күбө болушуппу?

151 أَلَا إِنَّهُمْ مِنْ إِفْكِهِمْ لَيَقُولُونَ

Алар жалганчылыктарын ушинтип айтышат.

152 وَلَدَ اللَّهُ وَإِنَّهُمْ لَكَاذِبُونَ

“Аллахтын баласы бар”, – деп жалган айтышат.

a. Узайир да, Иса да Аланын балдары эмес! Бул мушриктер ойлоп тапкан жалган

153 أَصْطَفَى الْبَنَاتِ عَلَى الْبَنِينَ

Аллах эмне, уулдардан кыздарды тандап алыптырбы?.

a. Артык көрөт бекен?

154 مَا لَكُمْ كَيْفَ تَحْكُمُونَ

Силерге эмне болгон? Кандай (калпыс) өкүм чыгарасыңар?!

155 أَفَلَا تَذَكَّرُونَ

Эсиңерге келбейсиңерби?!

156 أَمْ لَكُمْ سُلْطَانٌ مُبِينٌ

Же силердин ачык далилиңер барбы?

a. Айтып аткан сөзүңөрдү далилдей турган

157 فَأْتُوا بِكِتَابِكُمْ إِنْ كُنْتُمْ صَادِقِينَ

Чынчыл болсоңор китептериңерди алып келгиле.

a. Забурду, Тооратты, Инжилди...

158 وَجَعَلُوا بَيْنَهُ وَبَيْنَ الْجِنَّةِ نَسَبًا وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ

Алар Аны менен периштелердин ортосунда туугандык пайда кылышты. Чындыгында, периштелер Аллахтын алдына келишерин билишет.

a. Жалган айтып: «Туугандык мамилелер бар”, – дешти. b. Айрым надаан мушриктер Аллах менен жиндер ортосунда туугандык байланыш бар дегенге чейин жетишкен. Бул айат алардын кандай жалганчы экенин далилдеп турат

159 سُبْحَانَ اللَّهِ عَمَّا يَصِفُونَ

Аллах алар сыпаттаган нерселеринен (шериктеринен) аруу!

160 إِلَّا عِبَادَ اللَّهِ الْمُخْلَصِينَ

Бирок, Аллахтын чыныгы пенделери (момундар) антип айтышпайт.