101 فَبَشَّرْنَاهُ بِغُلَامٍ حَلِيمٍ
Аны назик бир уул менен кубанттык.
бөлүм Сааффат - الصافات
102 فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانْظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِنْ شَاءَ اللَّهُ مِنَ الصَّابِرِينَ
Уулу (Исмайил) аны менен бирге жүрүүгө жарап калган кезде: “Уулум! Сени түшүмдө мууздап жатыпмын. Ойлонуп көрчү. Буга кандай карайсың?”, – деди. Ал: “Оо, Атаке! Сага (Аллахтан) кандай буйрук келсе, ошону аткар. Аллах кааласа, менин сабырдуулардан экенимди табасың”, – деди.
a. Көрөсүң
103 فَلَمَّا أَسْلَمَا وَتَلَّهُ لِلْجَبِينِ
Ошентип экөө тең Аллахка мойун сунушуп, атасы аны чекеси менен жаткызды.
a. Пайгамбарлар тарыхын караңыз
104 وَنَادَيْنَاهُ أَنْ يَا إِبْرَاهِيمُ
Биз ага: “Эй, Ибрахим!”, – деп үн салдык.
105 قَدْ صَدَّقْتَ الرُّؤْيَا إِنَّا كَذَلِكَ نَجْزِي الْمُحْسِنِينَ
“Ырасында сен, түшүңдү чындыкка чыгардың. Албетте, Биз жакшы иштерди жасагандарды ушундай сыйлайбыз”(дедик).
106 إِنَّ هَذَا لَهُوَ الْبَلَاءُ الْمُبِينُ
Чындыгында, бул ачык сыноо эле.
107 وَفَدَيْنَاهُ بِذِبْحٍ عَظِيمٍ
Аны бир чоң курмандык менен алмаштырдык.
a. Исмайилди b. Ордуна кочкор түшүрдүк
108 وَتَرَكْنَا عَلَيْهِ فِي الْآخِرِينَ
Кийинки муундарга ал тууралуу жакшы атак калтырдык.
109 سَلَامٌ عَلَى إِبْرَاهِيمَ
Ибрахимге тынчтык!
110 كَذَلِكَ نَجْزِي الْمُحْسِنِينَ
Акыйкатта, жакшы иштерди жасагандарды ушундай кылып сыйлайбыз.
111 إِنَّهُ مِنْ عِبَادِنَا الْمُؤْمِنِينَ
Анткени ал (Аллахка) ыйман кетирген пенделерибизден болчу.
112 وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ
Аны (келечекте) пайгамбарлардын жакшыларынын бири (боло турган) Исхак аттуу уулу менен кубанттык.
a. Уулдуу болору тууралуу кабар жибердик
113 وَبَارَكْنَا عَلَيْهِ وَعَلَى إِسْحَاقَ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ
Анын өзүнө да, Исхакка да береке бердик. Ошентип, экөөнүн урпактарынын арасында жакшылары да, өздөрүнө ачык зулумдук кылгандары да бар.
a. момундары b. каапырлары
114 وَلَقَدْ مَنَنَّا عَلَى مُوسَى وَهَارُونَ
Чындыгында, Мусага да, Харунга да жакшылык бердик.
a. пайгамбарлык
115 وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ
Экөөнү жана алардын элин чоң кайгыдан куткардык.
116 وَنَصَرْنَاهُمْ فَكَانُوا هُمُ الْغَالِبِينَ
Аларга жардам бердик эле, алар жеңүүчүлөрдөн болушту.
117 وَآتَيْنَاهُمَا الْكِتَابَ الْمُسْتَبِينَ
Экөөнө түшүнүктүү Китеп бердик.
a. Тооратты
118 وَهَدَيْنَاهُمَا الصِّرَاطَ الْمُسْتَقِيمَ
Экөөнү түз жолго багыттадык.
119 وَتَرَكْنَا عَلَيْهِمَا فِي الْآخِرِينَ
Экөө тууралуу кийинки урпактарга (жакшы даңк) калтырдык.
120 سَلَامٌ عَلَى مُوسَى وَهَارُونَ
Муса менен Харунга тынчтык!