1 وَالْعَصْرِ
Асрга ант!
a. Өтө кыска да нуска, ар бир адамдын жашоосуна өрнөк боло турган сүрө. “Бүт Куранды билбеген адам, ушул сүрөнү өрнөк кылып алса жетиштүү болмок”, – деген Имам Шафиден калган сөз бар. Бул сүрөнү ар бир жыйналыштын соңунда окуу сүннөт.
2 إِنَّ الْإِنْسَانَ لَفِي خُسْرٍ
Албетте, инсан коромжуда.
a. Инсан алсыз болгондуктан шайтан менен напсинин азгырыктарына туруштук бере албай зыйанга гана учурайт.
3 إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ
Бирок, ыйман келтиргендер, жакшы амалдарды жасагандар жана ак менен сабырдуулукка бири-бирин насаат кылгандар (коромжуда эмес).