1 بِسْمِ اللَّهِ الرَّحْمَنِ الرَّحِيمِ
Мээримдүү, Ырайымдуу Аллахтын аты менен!
a. Ар бир сүрөнүн башындагы «Бисмилла» Абу Ханифа (р.а)нун мазхабында айаттан эсептелбейт (бирок, «Бисмилла» өзү Курандын ичиндеги айат). Ал эми Шаафий (р.а.)нун мазхабында ар бир сүрөнүн башындагы «Бисмилла» да айат деп эсептелет. Ошондуктан алар намазда «Бисмилланы» да жарыя окушат. (Тафсир Ал-Наcафий).
2 الْحَمْدُ لِلَّهِ رَبِّ الْعَالَمِينَ
Ааламдардын эгеси болгон Аллахка мактоо!
a. «Алла” – Кудайдын арабча аталышы. Бирок, арабчада “Аллах” деп сөздүн аягында кыргыз элинин түштүктүк диалектиндеги “h” тыбышы менен айтылат. Демек, “Алла” деген сөздүн аягында “h” – тамактын түпкүрүнөн чыгуучу жумшак “х” тыбышын колдонууга милдеттүүбүз.
3 الرَّحْمَنِ الرَّحِيمِ
(Ал) Мээримдүү, Ырайымдуу.
a. Булар Алланын эё улуу сыпаттарынын экөөсү. Алланын Мээрими менен Ырайымында чек жок!
4 مَالِكِ يَوْمِ الدِّينِ
Кыямат Күндүн падышасы.
a. Кыямат күнү бийлик жүргүзүүчү Ал өзү гана. 78-сүрөнүн 38-39-40-аяттарын караёыз.
5 إِيَّاكَ نَعْبُدُ وَإِيَّاكَ نَسْتَعِينُ
Биз Сага гана сыйынып, Сенден гана жардам сурайбыз.
a. Ушул сөздү намаз окуган адам кеминде 32 жолу кайталайт. Бирок ага маани береби?! Ал бир Аллага маалым. Биз эмнеге муктаж болсок да, дароо Аллага кайрылууга тийишпиз. Ушул күндө адамдарга сыйынуучулар көбөйдү. Мисалы: бир жумушун бүтүрүү үчүн тааныш издөө, пара бермей, кошомат кылуу ж.б.у.с.
6 اهْدِنَا الصِّرَاطَ الْمُسْتَقِيمَ
Өзүң бизди туура жолго баштагын,
7 صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ
(ал жол) Сенин каарыңа калбагандар менен адашпагандарга Өзүң тартуулаган жол.
a. “Алланын каарына калгандар – Иудейлер, адашкандар христиандар – деп да айтылат(Тафсир Ал-Байзавий).